Zersch mal es Entschuldigung vo minere Siite, ich weis ich weis hed chli duured mit dene Fötelis da. Aber ey isch e strängs Weekend gsi und darum hend die hald chli müse warte.
Aber fangemer doch eifach am beste vore a. Am Mittwuch sind de Krusty d Lia de Munzli und dä Juen in Zug ghockt und as Moon and Stars uf Locarno dete simmer nämli as Beastie Boys Konzert. Dunne hämmer den au na d Vivi d Chantal de Dani und d Christelle troffe. Und spöter sogar na promt d Isa und d Alex. En luschtige Huufe und es Super Konzert inklusive schön Wätter hed de Abig unvergässlich gmacht.
Au de Dunschtig isch unvergässlich gsi, ned zletscht wägeme Tessiner wo duregstartet isch wil de Dani sin ach so geliebte Parkplatz benuzt häd. Sondern au will s Wätter eifach de Hammer gsi isch und de Bade Tripp is näbetal die zwei Täg eifach super abgrundet händ. Fotis vo det chömed sobald i de Vivi ihri Cam i de Finger han.
Alles in allem zwei super Täg gsi wo fü mich leider scho am Friitig wieder es änd gha händ. Aber dasch e anderi Gschicht. Fotis heds dank em Juen und em Dani au es paar gä wonner chönd i de Gallery go aluege. Vill spass…
0 Response to “Moon and Stars”