Häds am letschte Sunntig in Interlake gheisse. Denn hed nämlich zum erschtemal i de Schwiiz s Red Bull Air Race stattgfunde. Waghalsigi Pilote mit ihrne Akro Flüger wo dur en Parcoure möglichscht schnäll münd dure und käi Fähler döfed mache. Tönnt nach Spannig pur, und so ischs au gsi. Es isch um Hundertschtel Sekunde gange.
De Tag isch super schön gsi, Hammer Wätter d Sunne hed uf eusi Chöpf brännt und nieneds heds Schatte gha. Mir hend insgesammt sicher ca. 8 Liter Wasser trunke a dem Namitag.
Im Final isch de Ängländer und momentani Leader Paul Bonhomme uf de Amerikaner und Verfolger Mike Mangold troffe. Doch isch de Bonhomme z souverän gfloge im Final als das de Mangold na e Chance gha hed. Und so hed de Sieger vom RED BULL AIR RACE INTERLAKEN 2007 am Ändi PAUL BONHOMME gheisse!
Natürlich hämmer wieder es paar Fotis i eusere Gallery zum bestune und sogar uf Youtube drüü Videos. Da en lauf vom Alejandro Maclean wo uusgschide isch vorem final. Have Fun, mir hend en nämli gha…
0 Response to “Smoke ON!”