Monthly Archive for September, 2007

Benjofizkonzert verbii…

Am letschte Samstig ischs wiedermal sowit gsi. S Benjofizkonzert offiziell Rock vom Dach isch übers Dach gange. Dasmal mit zwei bands und eme Special Guest!

Guets Wätter und en huufe Lüt hend das ganze zume super Allas gmacht. Und so wird au de Benjo sis wohl letschte Konzert mit Deep In nöd so schnäll vergässe.
Am Abig ischs dänn am C&Q Geburtstag witer gange. Und so ischs den cho das am Sunntig d whassup WG gfunde häd. Nie me Alkohol..
Tja aso Grindwe hämmer ali gha. Wiso weis niemmerd. Aber luschtig isches gsi. Und natürli hämmer au de Foti Apperat wieder debi gha. Und ja es hed wieder einigi Fotene ge. Z beschtune wi immer i de Gallery!

Nöchscht Weekend isch freestyle.ch det werdemer natürli au wieder vor Ort si. Hoffe me gsed sich..

Freestyle 2k7

Es isch wieder sowit. S Legendäre FREESTYLE isch wieder am Start in Züri.
3 Täg Party und Action uf de Landiwise.
Seg das FMX, Skateboard, Snowboard oder BMX. es häd für jede was.

Vom 21 bis am 23 Septämber isch fäscht agseid. whassup?ch wird vor Ort si und bestimmt au wieder s eint oder ander Foti schüsse. Me gsend eus…

Modellflug Tag 2007

Es isch wieder sowit. Vom 6te-7te Oktober findet ufem Flughafe Hausen am Albis wieder de Modellflugtag statt. Klar döf dete de Munzli als Flugfan nöd Fähle! Also werded mir sicher au vor Ort si und eusi Kamera hämmer sicher au debi.

Witeri Infos: Modellfluggruppe Affoltern am Albis

Race Weekend mit whassup?ch

Das weekend isch ganz im Zeiche vom Motorsport gstande. Am Samstig sind de Munzli, Juen, Lia, Fredi und s Rosi id Innerschwiz greisst as Teffli Rally 2007. En super luschtige Event mit umbaute Töfflis und Autos und andere gfährt. S ganze verpackt ufeme Dirt Track. Wimmer a de Fotene gsed isch würklich es cheibe fäscht gsi. Chan mer nume empfehle. Und es hed sogar en Ämtler am Start gha. Am Fabio sin Vater de Walti Traber. Er hed de erscht Probelauf gunne und im zweite ischer dritte worde.
Am Sunntig sind de Fredi de Munzli und ich uf Ottebach an 9te und 10te Lauf vo de Offroad Schwizermeischterschaft 1:6 FG. Au dete heds wieder es paar Ämtler debi gha. De Dani Schaub und Sohnemann. Bi Bratwurscht und Bier hämmer de Namittag gnosse und de chline chäreli zueglueged wis überd stei und Löcher ghüpft sind. Für eus de Sieger vom Tag (und au gesammt) de Kevin (grüänä chare und perfäkt gfahre). Bilder vo dem Event folged na.
Es ganzes Weekend Rännsport. Super gsi und sicher wiedermal. Ezt chunt den aber zersch s Weekend mit em Benjoooofizkonzert, übrigens s letschte Konzert woner im Band Lineup stad. Me gsend eus…