Das weekend isch ganz im Zeiche vom Motorsport gstande. Am Samstig sind de Munzli, Juen, Lia, Fredi und s Rosi id Innerschwiz greisst as Teffli Rally 2007. En super luschtige Event mit umbaute Töfflis und Autos und andere gfährt. S ganze verpackt ufeme Dirt Track. Wimmer a de Fotene gsed isch würklich es cheibe fäscht gsi. Chan mer nume empfehle. Und es hed sogar en Ämtler am Start gha. Am Fabio sin Vater de Walti Traber. Er hed de erscht Probelauf gunne und im zweite ischer dritte worde.
Am Sunntig sind de Fredi de Munzli und ich uf Ottebach an 9te und 10te Lauf vo de Offroad Schwizermeischterschaft 1:6 FG. Au dete heds wieder es paar Ämtler debi gha. De Dani Schaub und Sohnemann. Bi Bratwurscht und Bier hämmer de Namittag gnosse und de chline chäreli zueglueged wis überd stei und Löcher ghüpft sind. Für eus de Sieger vom Tag (und au gesammt) de Kevin (grüänä chare und perfäkt gfahre). Bilder vo dem Event folged na.
Es ganzes Weekend Rännsport. Super gsi und sicher wiedermal. Ezt chunt den aber zersch s Weekend mit em Benjoooofizkonzert, übrigens s letschte Konzert woner im Band Lineup stad. Me gsend eus…
ich heisse fredi, nöd fred-d-d-d-d-d-y-y-y-y-y!!
fredi
Hey Jungs und Mädels!
Cool, dass ihr min Vater unterstützt hend. Bin stolz uf eu!
yo Fabio. Hehehe möchemer doch gern.
Mir hends ersch gwüsst wommer dete gsi sind und mal so starterfäld aglueged hend^^.