Monthly Archive for November, 2007

Poker Nacht im Break

Zwar scho länger verbi de Event, aber ich has doch ändli mal gschafft die Bilder ufs Web zhaue. Es isch en geile Samstig Abig gsi im Break. 150 Lüüt sind cho zum Pokere. Hauptsächlich Amatöre und sotig wos gfül gha händ si seged besser hend sich um d Priisä gstritte. De Munzli de Dani und de Juen sind natürlich au dete gsi.
Leider heds bi allne drü scho i de erschte Rundi gheisse All in! und somit sind alli ufgstande und ned witercho.

Trotz allem hemmer Spass gha, de Munzli hed dank eme SMS Wettbewerb na en Poker Koffer gunne. Ezt simmer au bi eus deheime grüschted für die erschti whassup Poker Nacht. Natürli hed de Juen wie gseid de Foti apperat debi gha. Waser debi so vor d Linse becho häd, chönder wie immer i eusere Gallerie go aluege.

Me gsend eus am zweite Turnier im Januar!!

dräckle…

ich aka munzli bin hüt mal nöd go snowboarde wäge 2m sichtwiiti im näbel… da hend de dani und ich euse tag gnützt und hends als sehr gueti idee empfunde chli go autöle im dräck!

chli schlamm macht schön

etz chani mini neue schue scho fasch wieder wegschmeisse da mer nur d’autos mitem hochdruckreiniger gwäsche hend…

Schneegruess vom Ybrig

S Wätter isch super, es hed gschneit bis wiiit abe und d vehältnis sind sicherlich Traumhaft. Wärend ich am schaffe bin ime trischte Metalchloz, stad de Munzli i de disjährige Snowboard Saison bereits zum erschtemal uf em Brätt im Hoch Ybrig!

Und daser alli gsend wie schön Winter doch chan si, heder mer natürli gad es Bild gschickt. Aber wi me so schön seid, “es Bild, seid me als tusig wort!” und darum lueged doch sälber:

Hoch Ybrig am 17.11.2007