Monthly Archive for May, 2008

S Hip Hop Openair find natürli au das Jahr wieder statt. Und es chömed es paar ganz TICKI Acts uf d Wiiber wise.
Me wird live gse so Acts wie Jay-z, Cypress Hill oder Wu Tang Clan! Tja und det hi wird de Wäg villicht sogar de Juen  und de Munzli finde.

Es wird en Fette Openair Summer

Au das Jahr isch wieder s schöne Open Air St.Gallen. Zwar heds das Jahr ned würklich vill Bands wommer muss gse han usserd villicht Jan Delay, Beatstakes, Placebo oder Arctic Monkeys. Aber uf jedefall ischs immer wieder es erläbnis am Hang schlaafe und a de Sunne Brötle im Sitter Tobel (so heissts glaub).

 De Munzli wird uf jedefall es sehr Strängs Weekend vor sich ha, wird doch au genau a dem Weekend d whassup?ch WG zügled vill spass…

Es isch wieder e Wuche vergange im null Acht, Obacht!

Und siehe da whassup?ch schint langsam us em Winterschlaaf z verwache. Denn es hed nämli gad ZWEI Neui Gallerys gä! Ganz genau. Insgsesammt über 70 neui Bilder heds zum aluege. Tja da frögt me sich natürlich, was isch den blos losgsi letscht Wuche?
Also Agfange heds mit de erschte Gallery. Am Mittwuch isch im Kino RiffRaff in Züri e Skateboard Movie Premiere gsi. District heds 10jährige Jubiläum mit eme neue Film gfiired. De Film lost uf de bescheide Churzi Name: QUICK BROWN FOX JUMPS OVER THE LAZY DOG genau. De Film sälber isch öpe solang gange wie de Name lang isch. Und er isch guet worde. Vor Ort sind gsi de Munzli d Lia dä Chrigi und de Juen.

Am hütige Sunntig sind de Munzli de Freddy und de Juen bim schönschte Sunewätter )Juen hed d Sunecrem natürli vehängt) uf Oensinge as US-Cars Träffe und hend sich dete Autos vo allne Jahrgäng, hauptsächlich aber bis Jahrgang 74 aglueged. Bi Summerliche Temperature und enere feine Bratwurscht händ sie sich zäme mit zig 100 andere lüt durd Bläch Landschafte gschlängled. Genau, und so simmer den ebe wieder einigi Fotene Richer worde, wos dasmal au wieder bis uf d Siite gschafft händ.

Es schint also definitiv de Winter verbi z si (me gseds am Juen sim Hals und Ärm a) und es chömed wieder es paar Spassigi Gallerys uf eus zue. I dem Sinn en schöne Summer und uf bald…

Es ist wieder soweit. Die Suddenrush BBQ Party geht in die nächste Runde.
Klar ist, das wir wieder dabei sein werden. Und am Abend gehts wieder in die Party Welt.
Hoffe nur das diesesmal Mister Eidam bis zum Schluss im Lokal bleiben darf