Monthly Archive for June, 2008

Turnier und Abschied = Abschiedsturnier?

Nei scho ned ganz, kei Angst es zied niemerd us und es isch au keis Turnier wos um Läbe und Tod gad. Es gad lediglich um Ruhm und Ehre!!! Ganz genau. Am morgige Dunstig de 5. Juni 2008 ab em Achti am Abig gad i de Break Arena vor gschäzte 20’000 Zueschauer um alles oder nüt. S Team Justizia (Michi G. und Studi St.) trifft ufs gfürchtete Team whassup?ch (Munzli und Juen).

I de Kategorieä Dart, Töggele und Billard wird de Sieger vo de Saison 2008 erkore. Nach ca. 6 Mönet beinharter Planig hed mer ändlich es gmeinsams Datum für de Event gfunde. Zueschauer sind natürlich Wilkommä.

Und was häd das ganze mit eme Abschied ztuä? Nix! De findet dän nämli am kommende Fritig am 6 Juni 2008 statt. Und zwar im Sputnik z Mettmestetten. Und wer gad dän frögeder eu ezt bestimmt. Es gad uf Berlin am 13. Juni am Juen sini Schwöschter d SARA. Alli wo si känned sind natürlich herzlich iglade cho verbizluege und si na es letschts mal z gseh. Naher verschwind si wi gseid uf Berlin. Und das sind den doch gueti 1000km vo Mettmenstetten entfernt. Chamer also nüme eifach so churz is Break eis go ziä. Also chömed all am Fritig uf Mettmi in Sputnik. Losga duds ca. ab em 21:00Uhr.

Mir freued eus….

Eusi Pischte stad!

Nach guet 2 Täg Baggere und schuffle rächele und bickle, isch si fertig. Die neu Bahn vom Steibrächer RC. De Munzli de Dani und de Juen sind ja sid churzem mit es paar anderne i de Chisgrueb zwüsched Obfälde und Maschwande underwägs. Letscht Weekend isch ändli di neu Bahn fertig worde. Ich glaub s beschte Wort zum di neu Bahn umschribe isch: FETT!! Gschätzi längi vo de Strecki isch in etwa 150 bis 200m.
Wer mal luscht häd eus cho zue zluege wimmer am bloche sind mit eusne 1zu Sächser de chan das mache. Meischtens simmer dete am Mittwuch vom 18:00 bis 20:00 und am Samstig Namitag. Chönd au sälber eui Chäre mitnä jedoch münder dänn eifach Strecke benüzigs choschte träge. Wivill chamer eu vor Ort genau säge.

Und natürli hämmer na es Paar Bilder für eu parad. I de Gallery…