Monthly Archive for July, 2008

Badespass..

Letscht weekend nach em zügle (es isch ca.

30C warm gsi) händ alli gfunde me münd go Bade. Tja und da mer tänkt händ Badi isch öde und Türlersee überfüllt, hämmer gfunde gämmer a d Reuss. Und so sind de DaniT, Meli (Tamagotschi), Lia, Munzli, DaniD und de Juen ad reuss und sind go bade. Me hend en riese spass gha, und abchüälig puur. S Wasser hed agnemi Temperature gha und so hed sich de Abstächer glohnt.
Natürli hemmer am Munzli sini Cam mid underwasserghüs debi gha, und so hemmer einiges a Foti Material chöne mache. Aber das luegeder eu am beschte sälber a. Wi immer i eusere Gallery.

Nachtrag vo de Resultat

Es isch scho es Ziitli her. Doch nach em Umzug und em Irume vom Büro. Bini ändlich dezue cho, d Bilder ufezlade. Es gad um Cup of the Champs. Das Turnier wo s Team Justice vs. Team whassup?ch i de Diszipline: Dart, Töggele und Billard gägenand atrütte sind.

D Resultat im Detail:

1. Disziplin: Dart gwünnt s Team Justice mit 2-1
2. Disziplin: Töggele gwünnt s Team Justice mit 3-0
3. Disziplin: Billard isch nüme gspillt worde da de Sieger Team Justice bereits festgstande isch.

Alles in allem en luschtige Abig gsi. S Dart isch sicher am Spannendste gsi. Im Täggele sind de Munzli und ich komplett undergange. Da isch Training agseid. Natürlich heds au wieder es paar Bilder gä wonner eu chönd go aluege i de Gallery..