whassup?ch » mj

fn|10 Hälferässe

mj — Sun, 19 Sep 2010 20:54:55 +0000

Jedes Jahr sorged diversi Jungs und Mädels defür das d freestyle-night ribiglos funktioniert. Wie jedes Jahr gids au es Hälfer ässe. Das Jahr mit eme fridliche Brunch bi Suneschii im Jumpin z Mettmestette. Zahlrich sind d Hälfer erschine, und so ischs e Luschtigs Fäscht mit PingPong, Slip and Sliede und Slakline sowie diversne Wiiswi und Bier Fläsche. De Juen hed wiedermal paar Fotene gmacht, und die findet er wie immer bi eus i de Gallery. Uf witeri erfolgrichi Jahr mit de freestyle-night!!

Ein Weekend in Freiburg

mj — Sun, 12 Sep 2010 20:47:21 +0000

Am Fritig Abig am Sächsi isch d Besammlig gsi. S Ziel isch gsi, Freiburg im Breisgau. De Lars und sin Biosk go bsueche. Bis mer aber mal dete acho sind isches denn doch nachli länger gange. Zum eine hed niemerd das schöne E-Mail vom Hösli gläse und zum andere hend die einte immer mal wieder müässe go Wasser lassen.

A dem schöne Reisli hend teilgno, de Hösli, Lori, Gäse, Munzli und de Juen. Mir hend chli usserhalb vo Freiburg in Lehen e Wohnig gmietet für wenig gäld, und sind denn na 6km mit em Velo id city gradled. Das insgesammt 4 mal am Weekend, de Munzli sogar 6 mal. Am Fritig zimli übel abgstürzt und am samstig de ganz tag hang over. Am Abig den gedige bim Italiener go ässe. Und naher wieder id Möst underanderem mit em u23 Mountenbike Deutsche Meischter . Yoa und so ischs den au relativ schnäll wieder suntig Morge gsi, und de legendäri Brunch bi de legendär schöne Studäntine hed statt gfunde.

Denn am Lars und de Lisa na go ade säge, und scho simmer wieder uf em Heiwäg gsi. de Lori de Hösli und de Gäse sind am pene gsi und de juen und de Munzli am fahre und useluege. UNd mer hend usegfunde das egal wie gross de chare isch, schinbar hed es chlises Velöli doch kei Platz drinne (siehe foti). Yoah und wies hald so isch, natürli hed de Juen de Foti debi gha, und natürli häder knipsed, und das nöd wenig Schlussändli hends 170 Fotene Online gschafft. Wie immer i de Gallery, vill spas bim Aluege.

PS: Söts Fotene ha wo mer ned wed das Online sind, bitte mir mälde und begründe danke

SigSagSug Livepaint Action mit Aemka

mj — Sat, 04 Sep 2010 16:24:50 +0000

Hüt de ganz Tag hed me chöne im SigSagSug in Winti em Aemka zueluege winner usere Wiise Wand es schöns Kunstwerch gstaltet. Klar hed whassup.ch mit em Juen und em Munzli nöd döfe fähle. Ja und da de Juen ezt ja so e guets Handy mit ere geile Cam hed, heds au es paar Bilder gä. Also den lueged eu die Gallery a.

Links: aemka.ch // sigsagsug.ch

Hüt voreme Jahr!

mj — Tue, 24 Aug 2010 13:46:16 +0000

Isch de letschti News Post gschribe worde. Schono krass, isch mer gad hüt so ufgfalle
Hani tänkt ich muess da mal es paar sache klar stelle.

Also de Munzli und de Juen wohned immer na Zäme a de Bahnhofstrasse 13 in Mettmi. kei Angst mir sind na immer es “Paar”.

Vill isch gange ime Jahr whassup WG. Es hed au diversi Fotene ge, vo verschidenschte Events. Früäner oder spöter gids au ma wieder es WG Fäscht, de neu Sitzplatz isch sowi fertig, nur na s Liecht und d Möbel fähled.

Also stay tuned. Me lisst sich…

Greez Juen

Race Weekend vorbei!

mj — Mon, 24 Aug 2009 08:01:13 +0000

S Ränn Weekend in Stallikon isch verbi. D Bilanz vom Juen sine Ränne isch durchwägs positiv. Vo Lauf zu Lauf hed, er chöne e steigerig verzeichne. S Wätter hed au Mittgmacht, lediglich am Samstig morge heds nuchli grägeled, aber defür isch d Strecki ned so staubig gsi wi am Sunntig im Halbfinal. En Grossteil vom Steibrächer RC isch ebefalls vor Ort gsi, und witeri zueschauer wo am Juen d tüme truckt hend. Und am Suntig ischer nu knapp am Final gscheiteret.

Samtig: Schnällschti Rundi 38,441 Sekunde Gsammthafti Platzierig: Rang 15.
Suntig: Schnällschti Rundi 38,104 Sekunde Gsammthafti Platzierig: Rang 11.

Mer chan also durchwägs zfride si mit dene Plätz. Esch isch sicherlich no einiges a Potential gäge obe vorhande, sofern d Konzentrationsfähigkeit na zuenimmt. Me häd nämli gse das de Juen immer im Halbfinal nach ca.14-15mins. Fahrziit agfa hed fehler mache, will 20mins konzentriert Fahre isch ebe doch ned ohne .
Natürlich heds au dasmal wieder chli Fotene ge. De munzli hed das ganze Weekend e chli dokumentiert. Und d Amäldig fü nöchscht Jahr isch de bereits usgfüllt.

Race Weekend in Stallikon

mj — Fri, 21 Aug 2009 10:41:46 +0000

Das Weekend findet in Stallikon ZH es witers Offroad Ränne wie jedes Jahr statt. Bis jetzt ischd whassup?ch WG immer als Zueschauer vor Ort gsi. Aber das Jahr isch alles anderscht! De Juen wird das Jahr a Beidne Läuf mit sim HPI Baja 5B SS teilnäh. Das Heisst am Samstig und Sunntig wird er mitmache, und hoffentli au guet abschnide.

Wer wot cho zueluege söll sich folgendi Ziite merke:

Vorläuf 1 am 09:30
Vorläuf 2 am 10:30
Vorläuf 3 am 11:30

Das sind d Vorläuf vo de GP Klass i irgendere Gruppe isch de Juen den au debi, es gid insgesammt 3 Gruppene. D Vorläuf dured 8 Minute.

Viertelfinal fanged am Namitag a. Ab em 13:00Uhr sind d FGs dra, und aschlüssend, ca. 13:30 chunt den d GP Klass a d Reihe. I Wellere Gruppe dasi det bin weis mer nöd, villicht schaffis ja au ned dur d Vorläuf wer weiss. Uf jedefall isch de ganz Tag was Los in Stallikon. De Wäg det hi isch ziemli eifach z beschribe, Wänner vom Müliberg obe abe chömed isches usgangs Aegstertal uf de Linke Siite äne am Bach. Das sovill Amäldige ge hed wi na nie chammers fascht nöd verfähle. Und suscht eifach am Lärm na

Dasser denn au wüssed welem Auto daser münd de Tumme Trucke, da na zwei Bilder vo mim Chlapf:

Hoffemer das au s Wätter das Weekend mitspielt, suscht chönts e zimmlichi Schlamm Schlacht werde. So oder eso es wird sicherlich Spassig in Stallikon, und je me Fans das chömed umso me party wird das ganze. So und ich muss ezt na es Zält go chaufe. Muss ja schliessli au na igendwo schlaafe

Velotour Züry – Oberiberg

mj — Mon, 03 Aug 2009 18:48:28 +0000

Am Samstig isches sowit. D whassup WG gad uf e Velotour. Ned irgend eini, sondern uf DIE Velotour. Organisiert vom Hösli. Gstartet wird am 12:00Uhr vom Bahnhof Enge us richtig Oberiberg. Wos genau duregad gsemmer den, es gid zwar e route wo planed isch, aber je nach dem wiviel Bier das mer Intuss händ wird die Route sicherlich au mal verla.

velotour flyer

dä Juen wird 28gi

mj — Fri, 24 Jul 2009 09:56:27 +0000

De Juen wird Hüt wieder mal es Jahr elter. Mittlerwille sinds also scho ganzi 28 Jahr woner underwägs isch. Das wird im chline Rahme gfired. Hüd Abig ab em 8ti simmer im Banhöfli und trinked eis, ganz entspannt und gechillt.
Wer wott dörf gern au cho. Ich freu mi.

Grillkurs im Banhöfli z Mättmi

mj — Wed, 01 Jul 2009 22:01:39 +0000

De Munzli und de Juen sind im Juni zäme mit es paar Kolege bi Urs im Grillkurs gsi. De Urs de Chef vom Bahnhöfli hed zäme mit em Marco Wyss, zeiged wiemer chan mit eifache Mittel und es bizeli Fingerspitze gfühl Hammer Geili Sache uf em Grill Zaubere. Zäme mit es paar Kolege hend de Munzli und de Juen also en schöne Abig mit Bier, Wii und Grillade gha. Was wot mer eigentlich me als e schöni Forälle uf em Grill, Lammracks, Poulet oder ächt doch es Gottlet?
Natürlich hed de Juen das alles wieder müässe Fotografisch fescht hebe. Zum Schluss vom Abig hed den au na am Urs sini Frau d Caroline Geburtstag gha. Und so isch wieder einisch me en Super Abig irgendwän z Änd gange. D Fotene zum Event finded er natürlich wie immer i eusere Gallery (Vorsicht me chönt nach em Betrachte Hunger übercho ((usserd me heisst Benjo)).

WG Fäscht 2009 verbi!

mj — Sun, 14 Jun 2009 10:06:56 +0000

Mittlerwile isches scho wieder zwei Täg her. Langsam aber sicher chunta u wieder Läbe id WG und ufgrumet isch au. Damit weti grad mal allne Tanke säge wo ghulfe händ, das wär Mo, munzli, Nadine, Isoz, DaniD und de Juen. Eusi Party isch super gsi, s Wätter hed mitgspillt und so isch dere super Party au nüd me im Wäg gstande. Zahlrichi Kollege, Kollegine und Nachbere sind verbi cho. Das hät eus natürlich riesig gfreut.
Au d Live Performance vom Andi Wanclac(dis komische c erkännts ned, sry Dani) isch bi allne Gest sehr guet acho. Danke namal dir dafür Dani. Yo und so heds natürli au wieder zahlrichi Fotene gä, zum aluege, für alli die wo ned händ chöne cho. Die Fotene finded er wi immer obe under Fotos.

Und so blibt mer eigentlich nu namal im Name vo de ganze WG danke z säge, s isch en Geile Abig gsi. Schön sinder alli da gsi.

Marco “Juen” Juen und Manuel “Munzli” Knobel