whassup?ch » Event

fn|10 Hälferässe

mj — Sun, 19 Sep 2010 20:54:55 +0000

Jedes Jahr sorged diversi Jungs und Mädels defür das d freestyle-night ribiglos funktioniert. Wie jedes Jahr gids au es Hälfer ässe. Das Jahr mit eme fridliche Brunch bi Suneschii im Jumpin z Mettmestette. Zahlrich sind d Hälfer erschine, und so ischs e Luschtigs Fäscht mit PingPong, Slip and Sliede und Slakline sowie diversne Wiiswi und Bier Fläsche. De Juen hed wiedermal paar Fotene gmacht, und die findet er wie immer bi eus i de Gallery. Uf witeri erfolgrichi Jahr mit de freestyle-night!!

SigSagSug Livepaint Action mit Aemka

mj — Sat, 04 Sep 2010 16:24:50 +0000

Hüt de ganz Tag hed me chöne im SigSagSug in Winti em Aemka zueluege winner usere Wiise Wand es schöns Kunstwerch gstaltet. Klar hed whassup.ch mit em Juen und em Munzli nöd döfe fähle. Ja und da de Juen ezt ja so e guets Handy mit ere geile Cam hed, heds au es paar Bilder gä. Also den lueged eu die Gallery a.

Links: aemka.ch // sigsagsug.ch

Race Weekend vorbei!

mj — Mon, 24 Aug 2009 08:01:13 +0000

S Ränn Weekend in Stallikon isch verbi. D Bilanz vom Juen sine Ränne isch durchwägs positiv. Vo Lauf zu Lauf hed, er chöne e steigerig verzeichne. S Wätter hed au Mittgmacht, lediglich am Samstig morge heds nuchli grägeled, aber defür isch d Strecki ned so staubig gsi wi am Sunntig im Halbfinal. En Grossteil vom Steibrächer RC isch ebefalls vor Ort gsi, und witeri zueschauer wo am Juen d tüme truckt hend. Und am Suntig ischer nu knapp am Final gscheiteret.

Samtig: Schnällschti Rundi 38,441 Sekunde Gsammthafti Platzierig: Rang 15.
Suntig: Schnällschti Rundi 38,104 Sekunde Gsammthafti Platzierig: Rang 11.

Mer chan also durchwägs zfride si mit dene Plätz. Esch isch sicherlich no einiges a Potential gäge obe vorhande, sofern d Konzentrationsfähigkeit na zuenimmt. Me häd nämli gse das de Juen immer im Halbfinal nach ca.14-15mins. Fahrziit agfa hed fehler mache, will 20mins konzentriert Fahre isch ebe doch ned ohne .
Natürlich heds au dasmal wieder chli Fotene ge. De munzli hed das ganze Weekend e chli dokumentiert. Und d Amäldig fü nöchscht Jahr isch de bereits usgfüllt.

Race Weekend in Stallikon

mj — Fri, 21 Aug 2009 10:41:46 +0000

Das Weekend findet in Stallikon ZH es witers Offroad Ränne wie jedes Jahr statt. Bis jetzt ischd whassup?ch WG immer als Zueschauer vor Ort gsi. Aber das Jahr isch alles anderscht! De Juen wird das Jahr a Beidne Läuf mit sim HPI Baja 5B SS teilnäh. Das Heisst am Samstig und Sunntig wird er mitmache, und hoffentli au guet abschnide.

Wer wot cho zueluege söll sich folgendi Ziite merke:

Vorläuf 1 am 09:30
Vorläuf 2 am 10:30
Vorläuf 3 am 11:30

Das sind d Vorläuf vo de GP Klass i irgendere Gruppe isch de Juen den au debi, es gid insgesammt 3 Gruppene. D Vorläuf dured 8 Minute.

Viertelfinal fanged am Namitag a. Ab em 13:00Uhr sind d FGs dra, und aschlüssend, ca. 13:30 chunt den d GP Klass a d Reihe. I Wellere Gruppe dasi det bin weis mer nöd, villicht schaffis ja au ned dur d Vorläuf wer weiss. Uf jedefall isch de ganz Tag was Los in Stallikon. De Wäg det hi isch ziemli eifach z beschribe, Wänner vom Müliberg obe abe chömed isches usgangs Aegstertal uf de Linke Siite äne am Bach. Das sovill Amäldige ge hed wi na nie chammers fascht nöd verfähle. Und suscht eifach am Lärm na

Dasser denn au wüssed welem Auto daser münd de Tumme Trucke, da na zwei Bilder vo mim Chlapf:

Hoffemer das au s Wätter das Weekend mitspielt, suscht chönts e zimmlichi Schlamm Schlacht werde. So oder eso es wird sicherlich Spassig in Stallikon, und je me Fans das chömed umso me party wird das ganze. So und ich muss ezt na es Zält go chaufe. Muss ja schliessli au na igendwo schlaafe

Velotour Züry – Oberiberg

mj — Mon, 03 Aug 2009 18:48:28 +0000

Am Samstig isches sowit. D whassup WG gad uf e Velotour. Ned irgend eini, sondern uf DIE Velotour. Organisiert vom Hösli. Gstartet wird am 12:00Uhr vom Bahnhof Enge us richtig Oberiberg. Wos genau duregad gsemmer den, es gid zwar e route wo planed isch, aber je nach dem wiviel Bier das mer Intuss händ wird die Route sicherlich au mal verla.

velotour flyer

Grillkurs im Banhöfli z Mättmi

mj — Wed, 01 Jul 2009 22:01:39 +0000

De Munzli und de Juen sind im Juni zäme mit es paar Kolege bi Urs im Grillkurs gsi. De Urs de Chef vom Bahnhöfli hed zäme mit em Marco Wyss, zeiged wiemer chan mit eifache Mittel und es bizeli Fingerspitze gfühl Hammer Geili Sache uf em Grill Zaubere. Zäme mit es paar Kolege hend de Munzli und de Juen also en schöne Abig mit Bier, Wii und Grillade gha. Was wot mer eigentlich me als e schöni Forälle uf em Grill, Lammracks, Poulet oder ächt doch es Gottlet?
Natürlich hed de Juen das alles wieder müässe Fotografisch fescht hebe. Zum Schluss vom Abig hed den au na am Urs sini Frau d Caroline Geburtstag gha. Und so isch wieder einisch me en Super Abig irgendwän z Änd gange. D Fotene zum Event finded er natürlich wie immer i eusere Gallery (Vorsicht me chönt nach em Betrachte Hunger übercho ((usserd me heisst Benjo)).

Air and Style und ISPO 2009

mj — Fri, 06 Feb 2009 18:23:38 +0000

Am vegangene Weekend hend de Munzli d Nadine und de Juen ihri Sache packt und sind ab uf Innsbruck an Billabong Air and Style 2009! Am Samstig Morge simmer also mit em Auto abgfahre und igendwänn so um die vieri foifi in Inssbruck a cho. Denn hemmer zersch ma müsse eusi Deponierte Tickets go sueche (VIP). Eis Problem hemmer aber immer na gha. 3 Lüüt 2 Billet gad igendwie ned ganz uf.
Wommer eus scho usgmaled hend wimmer das ganze wänd händle hmmer tatsächlich vor em Igang na de Brusti und de MO troffe. De Mo hed de gmeint d Nadine söll eifach ma bi de Präss ine chli go stresse das gäch scho. Gesagt getan. Nach gschlagne 20minute isch si use cho miteme Prässe uswis. Und ab dänn ischs eigentli nur na ufwärts gange. Di erscht Liveband Deichkind isch super gsi, au wenn nüme mit Hip Hop underwägs sondern jezt mit ELEKTRO (es isch es absoluts Elektro weekend worde). Am Schluss simmer alli rächt volle den bim Roli glandet. Feine Strudel heds na gä und den ab is Bett.
SCHNITT

Am Sunntig hed euses Ziel de gheisse, München!! Und so simmer wieder is Auto und ab uf Münche. Dete hemmer eus mit de ganze Eleven Lüüt und friends bime Griech zum Znacht troffe. De Franz isch es paar stund spöter uftaucht (wiso sägemer a dere stell sponsore technisch besser nöd). Und nacheme feine Znacht heds de gheisse PLEASURE PARTY! Yeah Munzli seid na so, det isch immer sehr Geil, weisch au geili musig und so. Ja genau, dete Acho und eus heds nur so fetti Bäss entgäge gwummeret. Jawoll scho wider e Elektro Party! Ebe es isch es absoluts Elektro Weekend worde. Ja guet gömmer hald ane anderi paady, gesagt getan ab ad Völkl Party! Ud oh Wunder au dete isch Elektro gloffe. Schlussändli sind d Nadine de Munzli und ich am Ping Pong Tisch glandet, und hend det euse Fun gha.

Am Mäntig nach wenig schlaaf heds de gheisse, me münd wieder Heizue. Und so simmer nacheme Lange Elektro gschädigte Weekend ändli au wieder diheime acho. Euses Büsi hed froid dra gha!

Berlin

mj — Mon, 10 Nov 2008 10:26:52 +0000

whassup?ch reist nach Berlin.
Vom 21.Nov. bis am 23.Nov. reisemer nach Berlin und gönd mis Schwesli go Bsueche.
Debi sind folgendi lüüt:

- Marco
- Munzli
- Benjo
- Hösli (nani sicher)

Â Mini Schwöschter (d Sara) wird eus dän Ihri Stadt zeige mit allem drum und dra. Klar hämmer au de Foti Apparat debi.
Chönd also gspannt si uf e witeri und neuei Grossi Gallery

Bis bald….

Nachtrag vo de Resultat

mj — Sat, 05 Jul 2008 09:40:07 +0000

Es isch scho es Ziitli her. Doch nach em Umzug und em Irume vom Büro. Bini ändlich dezue cho, d Bilder ufezlade. Es gad um Cup of the Champs. Das Turnier wo s Team Justice vs. Team whassup?ch i de Diszipline: Dart, Töggele und Billard gägenand atrütte sind.

D Resultat im Detail:

1. Disziplin: Dart gwünnt s Team Justice mit 2-1
2. Disziplin: Töggele gwünnt s Team Justice mit 3-0
3. Disziplin: Billard isch nüme gspillt worde da de Sieger Team Justice bereits festgstande isch.

Alles in allem en luschtige Abig gsi. S Dart isch sicher am Spannendste gsi. Im Täggele sind de Munzli und ich komplett undergange. Da isch Training agseid. Natürlich heds au wieder es paar Bilder gä wonner eu chönd go aluege i de Gallery..

Turnier und Abschied = Abschiedsturnier?

mj — Wed, 04 Jun 2008 19:03:15 +0000

Nei scho ned ganz, kei Angst es zied niemerd us und es isch au keis Turnier wos um Läbe und Tod gad. Es gad lediglich um Ruhm und Ehre!!! Ganz genau. Am morgige Dunstig de 5. Juni 2008 ab em Achti am Abig gad i de Break Arena vor gschäzte 20’000 Zueschauer um alles oder nüt. S Team Justizia (Michi G. und Studi St.) trifft ufs gfürchtete Team whassup?ch (Munzli und Juen).
I de Kategorieä Dart, Töggele und Billard wird de Sieger vo de Saison 2008 erkore. Nach ca. 6 Mönet beinharter Planig hed mer ändlich es gmeinsams Datum für de Event gfunde. Zueschauer sind natürlich Wilkommä.

Und was häd das ganze mit eme Abschied ztuä? Nix! De findet dän nämli am kommende Fritig am 6 Juni 2008 statt. Und zwar im Sputnik z Mettmestetten. Und wer gad dän frögeder eu ezt bestimmt. Es gad uf Berlin am 13. Juni am Juen sini Schwöschter d SARA. Alli wo si känned sind natürlich herzlich iglade cho verbizluege und si na es letschts mal z gseh. Naher verschwind si wi gseid uf Berlin. Und das sind den doch gueti 1000km vo Mettmenstetten entfernt. Chamer also nüme eifach so churz is Break eis go ziä. Also chömed all am Fritig uf Mettmi in Sputnik. Losga duds ca. ab em 21:00Uhr.

Mir freued eus….