Archive for the 'News' Category

Hüt voreme Jahr!

Isch de letschti News Post gschribe worde. Schono krass, isch mer gad hüt so ufgfalle :)
Hani tänkt ich muess da mal es paar sache klar stelle.

Also de Munzli und de Juen wohned immer na Zäme a de Bahnhofstrasse 13 in Mettmi. kei Angst mir sind na immer es “Paar”.

Vill isch gange ime Jahr whassup WG. Es hed au diversi Fotene ge, vo verschidenschte Events. Früäner oder spöter gids au ma wieder es WG Fäscht, de neu Sitzplatz isch sowi fertig, nur na s Liecht und d Möbel fähled.

Also stay tuned. Me lisst sich…

Greez Juen

Munzli underem Mässer

Hüt am Morge am Achti heds für de Munzli gheisse, ab is Spital Affoltere Chnüü operiere!
D OP heder guet überstande. Mer wänd eu natürli es Foti ned vorenthalte.

Kei Angst me gsed kei Bluet kei chnoche, eigentli langwilig oder?

munzli_chnue
I dem Sinn wünschemer natürli am Munzli gueti Besserig und uf e schnälli Genesig, im Spital sowie au at home. Bsueche chan mer en übrigens.

Aber am beste lütederem vori churz a.

Wieder da!

So nach merere Wuche problem mit de Website. Isch si ezt wieder ganz erreichbar. De Munzli hed das ganze chöne behebe. Es isch einiges passiert i de zwüscheziit. De Munzli isch underanderem en Monet wäg gsi. Zäme mit em Hösli isch er dur Japan, Neuseeland und Australie greist.
Des witeren wird de Munzli in Spital müäse. Sis Chrüzband go operiere! Naher wird er a Stöck bunde si und daher vill jasse, ligge und chille ;)

Tja und das ezt langsam Früälig wird, chamer au scho bald wieder de Grill fürä ne. Und so ruckt au eusi ersti WG Party immer nöcher. Vorussichtlich im Mai wirds den au sowit si. Aber sobald infos stönd werded die natürli au bekannt gä da uf de Site. I dem Sinn wünsche mir vo whassup?ch allne en schöne Früälig und hoffentli bald chli wärmeri temperature ;)

Am 31. Januar heisst’s: Witergads mit Zwei!

whassup.ch Version 2.0 isch Online!

Ja winner villicht gmerkt hend isch sid Gester Abig die neu Version vo whassup?ch Online. De munzli hed in langer Nachtarbet und wit über 1Mio. Arbetsstunde die neu siite gstaltet. De Header chunt wie immer vom Design Monster Mike “aemka” Knobel e fetts merci a in a dere stell.
Ja s Jahr 2008 gad langsam zänd und de Spruch “Obacht im Null Acht” chammer langsam vergässe. Aber was für en Spruch nämmemer im 2009? Was erwartet eus alles im Jahr 2009? Ich säge mal sovill. Einiges wird passiere!

I dem Sinn wünscht di ganz WG allne Kollege, Familie und bekannte e schöni Wienacht und en guete Rutsch is Jahr 2009! Rutsched guet und me gsend eus….