whassup?ch » Paady

fn|10 Hälferässe

mj — Sun, 19 Sep 2010 20:54:55 +0000

Jedes Jahr sorged diversi Jungs und Mädels defür das d freestyle-night ribiglos funktioniert. Wie jedes Jahr gids au es Hälfer ässe. Das Jahr mit eme fridliche Brunch bi Suneschii im Jumpin z Mettmestette. Zahlrich sind d Hälfer erschine, und so ischs e Luschtigs Fäscht mit PingPong, Slip and Sliede und Slakline sowie diversne Wiiswi und Bier Fläsche. De Juen hed wiedermal paar Fotene gmacht, und die findet er wie immer bi eus i de Gallery. Uf witeri erfolgrichi Jahr mit de freestyle-night!!

Ein Weekend in Freiburg

mj — Sun, 12 Sep 2010 20:47:21 +0000

Am Fritig Abig am Sächsi isch d Besammlig gsi. S Ziel isch gsi, Freiburg im Breisgau. De Lars und sin Biosk go bsueche. Bis mer aber mal dete acho sind isches denn doch nachli länger gange. Zum eine hed niemerd das schöne E-Mail vom Hösli gläse und zum andere hend die einte immer mal wieder müässe go Wasser lassen.

A dem schöne Reisli hend teilgno, de Hösli, Lori, Gäse, Munzli und de Juen. Mir hend chli usserhalb vo Freiburg in Lehen e Wohnig gmietet für wenig gäld, und sind denn na 6km mit em Velo id city gradled. Das insgesammt 4 mal am Weekend, de Munzli sogar 6 mal. Am Fritig zimli übel abgstürzt und am samstig de ganz tag hang over. Am Abig den gedige bim Italiener go ässe. Und naher wieder id Möst underanderem mit em u23 Mountenbike Deutsche Meischter . Yoa und so ischs den au relativ schnäll wieder suntig Morge gsi, und de legendäri Brunch bi de legendär schöne Studäntine hed statt gfunde.

Denn am Lars und de Lisa na go ade säge, und scho simmer wieder uf em Heiwäg gsi. de Lori de Hösli und de Gäse sind am pene gsi und de juen und de Munzli am fahre und useluege. UNd mer hend usegfunde das egal wie gross de chare isch, schinbar hed es chlises Velöli doch kei Platz drinne (siehe foti). Yoah und wies hald so isch, natürli hed de Juen de Foti debi gha, und natürli häder knipsed, und das nöd wenig Schlussändli hends 170 Fotene Online gschafft. Wie immer i de Gallery, vill spas bim Aluege.

PS: Söts Fotene ha wo mer ned wed das Online sind, bitte mir mälde und begründe danke

Velotour Züry – Oberiberg

mj — Mon, 03 Aug 2009 18:48:28 +0000

Am Samstig isches sowit. D whassup WG gad uf e Velotour. Ned irgend eini, sondern uf DIE Velotour. Organisiert vom Hösli. Gstartet wird am 12:00Uhr vom Bahnhof Enge us richtig Oberiberg. Wos genau duregad gsemmer den, es gid zwar e route wo planed isch, aber je nach dem wiviel Bier das mer Intuss händ wird die Route sicherlich au mal verla.

velotour flyer

WG Fäscht 2009 verbi!

mj — Sun, 14 Jun 2009 10:06:56 +0000

Mittlerwile isches scho wieder zwei Täg her. Langsam aber sicher chunta u wieder Läbe id WG und ufgrumet isch au. Damit weti grad mal allne Tanke säge wo ghulfe händ, das wär Mo, munzli, Nadine, Isoz, DaniD und de Juen. Eusi Party isch super gsi, s Wätter hed mitgspillt und so isch dere super Party au nüd me im Wäg gstande. Zahlrichi Kollege, Kollegine und Nachbere sind verbi cho. Das hät eus natürlich riesig gfreut.
Au d Live Performance vom Andi Wanclac(dis komische c erkännts ned, sry Dani) isch bi allne Gest sehr guet acho. Danke namal dir dafür Dani. Yo und so heds natürli au wieder zahlrichi Fotene gä, zum aluege, für alli die wo ned händ chöne cho. Die Fotene finded er wi immer obe under Fotos.

Und so blibt mer eigentlich nu namal im Name vo de ganze WG danke z säge, s isch en Geile Abig gsi. Schön sinder alli da gsi.

Marco “Juen” Juen und Manuel “Munzli” Knobel

WG Party diesen Freitag!

mj — Mon, 08 Jun 2009 18:58:14 +0000

Für alli die wos nani wüssed, für alli die wo kei Facebook hend (was das gids na), dene isch folgendes mitzteile. Am Fritig 12. Juni 2009 ab em Sächsi am Abig isch in Mettmenstette i de whassup WG Party agseid. Öb schön oder Schlächt Wätter, de Grill stad parad und Alk isch gnueg vorhande! Also alli verbi cho und eis mit em Munzli und em Juen Trinke!

Also me gsed sich!

Turnier und Abschied = Abschiedsturnier?

mj — Wed, 04 Jun 2008 19:03:15 +0000

Nei scho ned ganz, kei Angst es zied niemerd us und es isch au keis Turnier wos um Läbe und Tod gad. Es gad lediglich um Ruhm und Ehre!!! Ganz genau. Am morgige Dunstig de 5. Juni 2008 ab em Achti am Abig gad i de Break Arena vor gschäzte 20’000 Zueschauer um alles oder nüt. S Team Justizia (Michi G. und Studi St.) trifft ufs gfürchtete Team whassup?ch (Munzli und Juen).
I de Kategorieä Dart, Töggele und Billard wird de Sieger vo de Saison 2008 erkore. Nach ca. 6 Mönet beinharter Planig hed mer ändlich es gmeinsams Datum für de Event gfunde. Zueschauer sind natürlich Wilkommä.

Und was häd das ganze mit eme Abschied ztuä? Nix! De findet dän nämli am kommende Fritig am 6 Juni 2008 statt. Und zwar im Sputnik z Mettmestetten. Und wer gad dän frögeder eu ezt bestimmt. Es gad uf Berlin am 13. Juni am Juen sini Schwöschter d SARA. Alli wo si känned sind natürlich herzlich iglade cho verbizluege und si na es letschts mal z gseh. Naher verschwind si wi gseid uf Berlin. Und das sind den doch gueti 1000km vo Mettmenstetten entfernt. Chamer also nüme eifach so churz is Break eis go ziä. Also chömed all am Fritig uf Mettmi in Sputnik. Losga duds ca. ab em 21:00Uhr.

Mir freued eus….

freestyle-night 2008

mj — Fri, 16 May 2008 16:24:32 +0000

Genau au das Jahr natürli wieder d Freestyle Night im Jumpin Mettmenstetten.
whassup?ch isch natürli wieder als Reporter und Fotografe underwägs. Klar mir sind ja vo de freiä Präss.
Es wird sicherlich wieder en action riche Abig werde. S Programm stad bereits scho fascht komplett:

12.00 – 15.00Â Â training auf den schanzen
ab 14.00 Â Â Â Â Â Â Â Â türöffnung publikum
16.00 – 17.30Â Â qualifikation
19.00 – 20.00Â Â training der finalisten
21.30 – 22.30Â Â nachtfinale
22.30 – 23.30Â Â live act “smith & smart”
23.30 – 04.00Â Â party

Es wird sicherlich wieder mega Fett und mer hoffed natürlich uf guets Wätter!!!

Suddenrush BBQ 2008

mj — Fri, 02 May 2008 15:52:45 +0000

Es ist wieder soweit. Die Suddenrush BBQ Party geht in die nächste Runde.
Klar ist, das wir wieder dabei sein werden. Und am Abend gehts wieder in die Party Welt.
Hoffe nur das diesesmal Mister Eidam bis zum Schluss im Lokal bleiben darf

castello isch fertig…

munzli — Fri, 12 Oct 2007 12:55:55 +0000

also siitere churze ziit isch bekannt das feldschlössli s’castello bier ufhört herzstelle… tja, ich bin sehr truurig über de entscheid und suech mir was neues… aber ha wenigschtens am letschte friitig am konzert na s’letschte usem chüelschrank chönne gnüüsse… cheers oder proscht!

Benjofizkonzert verbii…

mj — Thu, 13 Sep 2007 20:55:33 +0000

Am letschte Samstig ischs wiedermal sowit gsi. S Benjofizkonzert offiziell Rock vom Dach isch übers Dach gange. Dasmal mit zwei bands und eme Special Guest! Guets Wätter und en huufe Lüt hend das ganze zume super Allas gmacht. Und so wird au de Benjo sis wohl letschte Konzert mit Deep In nöd so schnäll vergässe.
Am Abig ischs dänn am C&Q Geburtstag witer gange. Und so ischs den cho das am Sunntig d whassup WG gfunde häd. Nie me Alkohol..
Tja aso Grindwe hämmer ali gha. Wiso weis niemmerd. Aber luschtig isches gsi. Und natürli hämmer au de Foti Apperat wieder debi gha. Und ja es hed wieder einigi Fotene ge. Z beschtune wi immer i de Gallery!

Nöchscht Weekend isch freestyle.ch det werdemer natürli au wieder vor Ort si. Hoffe me gsed sich..