whassup?ch

Für alli die wos nani wüssed, für alli die wo kei Facebook hend (was das gids na), dene isch folgendes mitzteile. Am Fritig 12. Juni 2009 ab em Sächsi am Abig isch in Mettmenstette i de whassup WG Party agseid. Öb schön oder Schlächt Wätter, de Grill stad parad und Alk isch gnueg vorhande! Also alli verbi cho und eis mit em Munzli und em Juen Trinke!

Also me gsed sich!

Hüt am schöne 1. Mai isch de Dani Durrer ma wieder uf bsuech und zeiged sini söseli künscht. D WG freuts denn es gid ma wieder was warms z ässe und e guets söseli zu allem ane au na
En guete!

Natürli dörfed au da es paar Bilder ned fähle.
Sodeli Früälig isch da, churzi Hose sind mondierd, und bald chömmed sicherlich au wieder es paar party Bilder online!

Aja by the way, de Chuck Norris wür am Dani sini söselis liebe, s problem isch, d sose liebt de Chuck Norris nöd

Hüt am Morge am Achti heds für de Munzli gheisse, ab is Spital Affoltere Chnüü operiere!
D OP heder guet überstande. Mer wänd eu natürli es Foti ned vorenthalte.
Kei Angst me gsed kei Bluet kei chnoche, eigentli langwilig oder?

I dem Sinn wünschemer natürli am Munzli gueti Besserig und uf e schnälli Genesig, im Spital sowie au at home. Bsueche chan mer en übrigens. Aber am beste lütederem vori churz a.

So nach merere Wuche problem mit de Website. Isch si ezt wieder ganz erreichbar. De Munzli hed das ganze chöne behebe. Es isch einiges passiert i de zwüscheziit. De Munzli isch underanderem en Monet wäg gsi. Zäme mit em Hösli isch er dur Japan, Neuseeland und Australie greist.
Des witeren wird de Munzli in Spital müäse. Sis Chrüzband go operiere! Naher wird er a Stöck bunde si und daher vill jasse, ligge und chille

Tja und das ezt langsam Früälig wird, chamer au scho bald wieder de Grill fürä ne. Und so ruckt au eusi ersti WG Party immer nöcher. Vorussichtlich im Mai wirds den au sowit si. Aber sobald infos stönd werded die natürli au bekannt gä da uf de Site. I dem Sinn wünsche mir vo whassup?ch allne en schöne Früälig und hoffentli bald chli wärmeri temperature

Am vegangene Weekend hend de Munzli d Nadine und de Juen ihri Sache packt und sind ab uf Innsbruck an Billabong Air and Style 2009! Am Samstig Morge simmer also mit em Auto abgfahre und igendwänn so um die vieri foifi in Inssbruck a cho. Denn hemmer zersch ma müsse eusi Deponierte Tickets go sueche (VIP). Eis Problem hemmer aber immer na gha. 3 Lüüt 2 Billet gad igendwie ned ganz uf.
Wommer eus scho usgmaled hend wimmer das ganze wänd händle hmmer tatsächlich vor em Igang na de Brusti und de MO troffe. De Mo hed de gmeint d Nadine söll eifach ma bi de Präss ine chli go stresse das gäch scho. Gesagt getan. Nach gschlagne 20minute isch si use cho miteme Prässe uswis. Und ab dänn ischs eigentli nur na ufwärts gange. Di erscht Liveband Deichkind isch super gsi, au wenn nüme mit Hip Hop underwägs sondern jezt mit ELEKTRO (es isch es absoluts Elektro weekend worde). Am Schluss simmer alli rächt volle den bim Roli glandet. Feine Strudel heds na gä und den ab is Bett.
SCHNITT

Am Sunntig hed euses Ziel de gheisse, München!! Und so simmer wieder is Auto und ab uf Münche. Dete hemmer eus mit de ganze Eleven Lüüt und friends bime Griech zum Znacht troffe. De Franz isch es paar stund spöter uftaucht (wiso sägemer a dere stell sponsore technisch besser nöd). Und nacheme feine Znacht heds de gheisse PLEASURE PARTY! Yeah Munzli seid na so, det isch immer sehr Geil, weisch au geili musig und so. Ja genau, dete Acho und eus heds nur so fetti Bäss entgäge gwummeret. Jawoll scho wider e Elektro Party! Ebe es isch es absoluts Elektro Weekend worde. Ja guet gömmer hald ane anderi paady, gesagt getan ab ad Völkl Party! Ud oh Wunder au dete isch Elektro gloffe. Schlussändli sind d Nadine de Munzli und ich am Ping Pong Tisch glandet, und hend det euse Fun gha.

Am Mäntig nach wenig schlaaf heds de gheisse, me münd wieder Heizue. Und so simmer nacheme Lange Elektro gschädigte Weekend ändli au wieder diheime acho. Euses Büsi hed froid dra gha!